Hamari rooh pyasi hai kabhi milnay chalay aao
bari gehri udasi hai kabhi milnay chalay aao
Agar tum devta ho to meri bay ant tanhaai
tumhari devdaasi hai kabhi milnay chalay aao
Zamaanay bhar main bas ek tum ko hi chaha hai
meri mardam shanaasi hai kabhi milnay chalay aao
Tumhare bin ye mera wehshaton ki zad main aaya dil
kisi sehra ka baasi hai kabhi milnay chalay aao
Tumhare bin mujhe laahaq ajab see afra tafri hai
ajab see bad hawaasi hai kabhi milnay chalay aao.
No comments:
Post a Comment