Us pe khul jati meray shoq ki shiddat sari
dekhay hotay jo meray paaon k chalay us nay
Jis ka her aib zamanay say chupaya main nay
meray qissay sar-e-bazar uchalay us nay
Jab usay meri mohabat pe bharosa he na tha
kyun diye meri wafaon k hawalay us nay
Meri dam torti khwahish ka khayal aa na saka
apnay armaan hamesha he nikalay us nay
Aik mera he to bs haath na thama us nay
warna girtay huey kitnay he sambhalay us nay.
No comments:
Post a Comment